托兒所代收毛巾送給老人院

瞕瞕所在的托兒所屬於一個大機構，經常都會舉辦一些活動，包括講座，短期課程，運動會，比賽，playgroup。。。等等，繁多至幾乎每星期都有。

最近我參與了一個叫做「獻毛巾，表敬意」的活動，由托兒所向家長代收毛巾，轉讓給有需要的老人家，款式，數量不限，新淨即可。

 

剛好家裡沒有未用過的毛巾存貨，我又不想求其在超市買幾條，又見時間充俗，便決定搜羅d特別既款。

最後我訂了一組水墨畫圖案的毛巾，我覺得老人家應該鍾意呢d款，分別是：中華魂，煙雨江南，相思，蝶戀，工筆花鳥，愛蓮說。

講真d毛巾本身唔貴，只係十幾蚊一條，可惜運費貴左少少，但都唔緊要啦，一份價值約一百元的禮物，聊表心意。

由落單到收貨要成七日，等到頸都長，而當我見到實物那一刻，真心覺得好靚，好似以前都未見過手工咁精巧的毛巾，希望對方同我一樣咁鍾意啦。