一通令人心碎的電話

今日下午工作很忙，但手機不停咁震，我瞄到來電是個陌生號碼，本來想由得它跌入留言信箱，但對方毫無收線的意思，好似好重要咁，我唯有硬著頭皮接聽。

以下是對話內容：

你個小朋友叫咩名呀？

黎逸瞕。

我地係鏡湖醫院打黎。。。

莫非發生了甚麼意外？？我嚇到魂飛魄散，明明瞕瞕同嫲嫲喺屋企，好地地架。 

但點解係醫院打俾我交代，唔係99？？

唔通佢地一齊出左事？？？

正當我腦子極度混亂之際，完全不懂得反應。戈邊又話原來搞錯左，即刻cut我線。 

那邊確實有緊急情況，有小朋友突然入院，院方需要聯絡父母or監護人，只不過佢地禁錯了號碼。

 

我呆在空氣中，但湧出的眼淚已收唔返，係咁流。

稍為冷靜後，我馬上致電回家，99湊住瞕瞕，安然無恙的呀。

無端端受到咁大驚嚇，我覺得差d癲左。就好似小朋友已經返左學，但學校突然打俾你，話你知佢整親，撞穿頭，跌斷手腳咁咁咁。

 

這使我想起另一件事，都有成五、六年前。那天上午我原本預約左睇牙，但診所內遲遲未見牙醫蹤影，而且亦有其他人等緊佢。我諗住離去的時候，牙醫又突然匆匆回來。

佢向我地解釋朝早發生左d事，話說佢一開門就收到醫院電話，話佢個十二歲既仔在學校腦充血暈左，正在急救中，而佢需要立即去銀行過數，作為醫療費用。佢一放下電話便立即趕往銀行和醫院，路上佢諗住先打返學校問清楚件事，點知根本無呢件事。而且校方為了讓他釋疑和放心，更特意從課室找來他兒子跟他在電話裡講了幾句。

當然發生在牙醫身上的是騙案無疑，我仍記得他複述這件事時，雙眼泛著淚光，手也有點顫抖。其實那一刻我已看穿騙徒是多麼懂得捉住父母的心理，孩子是他們的一根軟肋。現在自己做了母親，遇上類似case，就更加明白了這是怎麼樣的一種感受，真的，真的很難受。即使在寫這篇blog的時候，仲有d想喊。

終於放工回家，見到寶貝瞕~