Our sweet moment

常聽說，女兒是爸爸上輩子的情人，而我也覺得，瞕瞕是我今世的小情人。

某天傍晚，我帶瞕瞕到水塘散步，目的是想他多走動。我買了杯鮮榨西瓜汁沿路飲，瞕瞕也示意想飲，我便讓他嘗試一下。點知佢啜左兩啖就推返俾我，我還以為佢唔鍾意飲，但佢睇住我啜左兩啖之後，佢又將隻杯拉返埋佢度，自己再啜兩啖，跟住又推返俾我。就是這樣，一人兩啖，推來推去飲晒一杯西瓜汁。

我很開心佢無自己霸住飲晒成杯，不忘與我分享，證明佢心入面有我。

昨夜跟瞕瞕睡前在床上玩了成個鐘，我對他說，媽咪累了，要訓啦。說罷便轉過身去，背對著他，假裝自顧自地睡去。但他扯了扯我衫尾，輕輕喚了幾聲：媽咪？然後他竟爬上我個身度，捧著我的臉狂吻，好像要吻醒我似的。。。

分享住呢兩件事先，真的很想時光可以永遠停留在那一刻。