婚禮回顧之上頭夜篇

剛剛看到人家寫的倒數101天，有寫到上頭那一夜的回憶，對啊。。。為甚麼我遺忘了這件事呢？其實就在註冊當天都影左好多相，下一篇或者可以分享下。
由於娘家空間不足，所以我決定租間酒店套房出門，上頭儀式在之前一日進行。當初考慮過的酒店有望廈賓館，富華粵海，漁人碼頭萊斯，皇都等，最終鎖定了皇都。事後大家對它的評價都不錯。
記得下午兩點我獨個兒去check-in的時候，不知是否因為房間太大而隔音設備也做得相當好的緣故，我感覺是前所未有的寧靜，仿似走進了另一個空間。一個無聲的空間，我還舒服地睡了兩小時的午覺。
然後會合老公的家姐食晚飯，再搵細佬幫我地車d野(紅噹噹用品)返酒店。我反覆點左幾次數，唯恐拎少左任何一樣野就唔好啦。跟住間房又係得返我一個，我先洗過澡，換了一身紅色睡衣，等女家親戚十一點之前黎到。
父母很早到，還帶了阿妹個BB過來，佢好乖的。

上頭的針線和梳子都是在拱北地下商場買的，頭花則由佈置場地的花店提供。

感謝親愛姑媽專程由香港過來參加我地婚禮，仲有幫我起頭。

難得一見的素顏look。。。

酒店方面有規定不能點爉燭燒炮仗，於是我地一切從簡。

也感謝姑姐幫我煮左一大煲湯丸拎上黎，好在佢屋企就在附近。

母親笑到見牙唔見眼，一定係d糖水甜到佢好開心~❤

成晚都攬住呢個囍枕訓覺，習慣左，冇野攬我訓唔著的。