單拖遊公園

尋日一打開架bb車，發現生左個蜘蛛網，哎。。。都唔記得幾耐無單拖瞕瞕出街了。 

屋企附近有兩個公園：二龍喉和盧廉若，各有特別之處。二龍喉是一個動植物公園，裡面住了一隻大黑熊，牠很老了，我讀幼稚園時已經喺度，還有一架全世界最短程的纜車，全程只有五分鐘，票價三元。

盧九（即盧廉若）公園則充滿文藝氣息，其實它前身是有錢人的私人庭園，可惜後代因為爛賭，輸到最後連個公園都賠了給政府。現在裡面經常有畫展，攝影展，書法展，春草堂更有班粵曲愛好者在表演和練習。

雖然瞕瞕咁細個根本未識睇，但行公園的確會為他帶來感官上的刺激，有利於成長發展。

我通常都選擇在下午五時後，等陽光的光線變得柔和，先帶瞕瞕出去。一進入公園範圍，他便會抬頭四圍望，我試過蹲下來，遵循他視線的方向看去，原來映入眼寛的，盡是茂密的樹蔭，偶爾有小鳥飛過，蠻舒服啊！

沿途還有不少人搭訕，問瞕瞕幾大個之類。哈哈，沒想到孩子會成為我與陌生人之間的話題。

我成日都會向人投訴瞕瞕極度頑皮，而得到的回應多半是，細路仔係咁架啦！我估佢地未見過瞕瞕發脾氣或扭計而已，真係惡到死-__-... 

我相信頑皮係有樣睇，就咁睇都想像到第時唔會係個安靜小孩。